१
Advertisement
सविन गाैतम
प्रजातन्त्र दिवसको अवसरमा वृहत् रक्तदान कार्यक्रम आयोजना
तारकेश्वर, काठमाडौं – प्रजातन्त्र दिवस २०८१ को अवसर पारेर सचेतना नागरिक संस्था नेपाल द्वारा बृहत् रक्तदान कार्यक्रम आयोजना गरिँदै छ। यो कार्यक्रम फागुन ७ गते तारकेश्वर नगरपालिका वडा नं. ६ को पुरानो वडा कार्यालय भवन, धर्मस्थली प्रहरी चौकीसँगै आयोजना गरिने भएकाे छ।
रक्तदान कार्यक्रम बिहान १०:०० बजे देखि दिउँसो २:०० बजे सम्म सञ्चालन हुनेछ। आयोजक संस्थाका दिपु उप्रेतीका अनुसार यो कार्यक्रम संस्थाको पहिलो वार्षिकोत्सव को उपलक्ष्यमा आयोजना गरिने हो।
कार्यक्रममा साधारण सभा, रक्तदान कार्यक्रम तथा तारकेश्वर नगरको परिचय समेटिएको नगर गीतको लोकार्पण समेत गरिनेछ।
आयोजक संस्थाका प्रतिनिधिहरूले यो कार्यक्रम रक्तदान प्रवर्धन गर्दै समाजसेवाको भावनालाई उजागर गर्न लक्षित रहेको बताएका छन्। कार्यक्रममा सहभागी भई रक्तदान जस्तो पुण्य कार्यमा योगदान दिन सबैलाई अनुरोध गरिएको छ।
सामाजिक उत्तरदायित्वलाई मध्यनजर गर्दै अधिकतम व्यक्तिहरूलाई रक्तदान कार्यक्रममा सहभागी हुन आयोजक संस्थाले आग्रह गरेको छ।
