१
Advertisement
दोलखा । गौरीशंकर गाउँपालिकामा छैटौँ पालिकास्तरीय राष्ट्रपति रनिङ शिल्ड प्रतियोगिता सुरु भएको छ । गौरीशंकर गाउँपालिकाको आयोजना तथा निलकण्ठेश्वर माध्यमिक बिद्यालय जुँगुको व्यवस्थापनमा छैटौं राष्ट्रपति रनिङ शिल्ड प्रतियोगिता सुरु भएको हो ।
गौरीशंकर गाउँपालिकाका अध्यक्ष विश्वास कार्कीको अध्यक्षतामा सम्पन्न प्रतियोगिता प्रतिनिधिसभा सांसद गंगा कार्की विश्वले उद्घाटन गर्नुभयो । प्रतियोगितामा गाउँपालिकाका ६ वटा बिद्यालयको सहभागिता रहेको छ ।
जसअनुसार नीलकण्ठेश्वर मावि जुँगु, मानेडाँडा मावि झ्याँकु, हलेश्वर मावि सुरी, भुमेगुम्बा मावि चंखु, हिमवर्ती मावि मार्बु र खारे मावि खारेका खेलाडिहरुको सहभागिता रहेको गाउँपालिकाले जनाएको छ ।
आजबाट सुरु भएको प्रतियोगिता कार्तिक १४ गतेसम्म सञ्चालन हुनेछ । प्रतियोगितामा भलिवल, कबड्डी, एथलेटिक्स तथा हाईजम्प, लङजम्प र ज्याभलिङ थ्रो लगायका खेलहरु हुनेछन् ।
