हङकङमा ‘जिफाह साँझ–२’ हुँदै

काठमाडौं । हङकङमा गुरुङ फिल्म एसोसिएसन हङकङ शाखाले सांस्कृतिक तथा सांगीतिक कार्यक्रम ‘जिफाह साँझ–२’ आयोजना गर्ने भएको छ । गुरुङ फिल्म एसोसिएसन हङकङ शाखाले आयोजना गरेको जिफाह साँझ–२ आगामी नोभेम्बर १७ मा याउ मा तेई कम्युनिटी हलमा हुनेछ ।

उक्त साङ्गीतिक तथा सांस्कृतिक कार्यक्रममा नेपालबाट गुरुङ कलाकारहरू प्रस्थान गरिसकेको छ । साँस्कृतिक कार्यक्रममा अष्ट्रेलिया, अमेरिका लगायतका गुरुङ चलचित्रकर्मीहरूको सहभागिता रहनुका साथै हङकङका स्थानीय गुरुङ कलाकारहरूको समेत प्रस्तुती रहनेछ ।

करिब ३५–४० लाख रुपैयाँ खर्च लाग्ने अनुमान गरिएको छ । ‘हामीलाई विश्वास छ कि हङकङमा बसोबास गर्नु हुने सम्पूर्ण नेपाली समुदायले सहयोग र साथ दिनु हुनेमा संस्थाका अध्यक्ष, संयोजक तथा गुरुङ चलचित्रकी नायिका माया गुरुङले बताइन । आफ्नो कला संस्कृती बिर्संदै गएका छौँ, पहिचानहरू गुमाउँदै गएका छौँ, सबैले सहयोग गर्नु हुने नै छ’ उनले भनिन ।

गुरुङ गीत, सङ्गीत र चलचित्रको माध्यमबाट गुरुङ समुदायको कला र संस्कृतीलाई विश्वभर प्रबर्द्धन गर्ने कार्यक्रमको प्रमुख उद्देश्य रहेको जानकारी दिए । जिफान हङकङले नेपालका लागि पनि आर्थिक सहयोग जुटाउँदै आएको छ ।

संस्थाले २०१७ मा साँस्कृतिक कार्यक्रम ‘जिफाह साँझ–१’ ल्याएको थियो । जिफाह हङकङ सन् २०१६ मा स्थापना भएको थियो ।