प्रधानमन्त्री ओली महासभको अधिवेशनमा भाग लिन अमेरिका प्रस्थान

काठमाडौं । प्रधानमन्त्री केपी शर्मा ओली संयुक्त राष्ट्रसंघको महासभामा भाग लिन अमेरिका प्रस्थान गरेका छन् ।

प्रधानमन्त्री ओलीसहितको नेपाली टोली संयुक्त राज्य अमेरिकाको न्युयोर्कस्थित राष्ट्रसंघको मुख्यालयमा भइरहेको ७९ओै महासभाको अधिवेशनमा भाग लिन शुक्रबार अमेरिका प्रस्थान गरेका हुन ।

प्रधानमन्त्री ओलीलाई आज त्रिभुवन अन्तर्राष्ट्रिय विमानस्थलको विशिष्ट कक्षमा प्रतिनिधिसभाका सभामुख देवराज घिमिरे, राष्ट्रियसभाका अध्यक्ष नारायणप्रसाद दाहाल, उपप्रधानमन्त्रीद्वय विष्णुप्रसाद पौडेल र प्रकाशमान सिंह, मन्त्रीगण, सांसद, नेपाल सरकारका उच्चपदस्थ अधिकारी, सुरक्षा निकायका प्रमुखलगायतले बिदाइ गरेका हुन्। सो अवसरमा नेपाली सेनाको टुकडीले ओलीको सम्मानमा सलामी अर्पण गरेको थियो।

प्रधानमन्त्री ओलीले यही असोज १० गते संयुक्त राष्ट्रसंघको महासभालाई सम्बोधन गर्ने कार्यक्रम रहेको परराष्ट्र मन्त्रालयले जनाएको छ।