१
Advertisement
काठमाडौं । रानीबारी उपभोक्ता समिति अन्तर्गतको उप-महिला जागरण महिला समुहको तिज विषेश शुभकामना कार्यक्रम सम्पन्न भएको छ । महिला जागरण महि समुहद्धारा आयोजना गरिएको हरितालिका तिज पर्वको शुभकामना आदानप्रदान तथा भेट्घाट कार्यक्रम शनिवार सम्पन्न गरेको हो ।
महिला समूहले हरितालिका तिज विशेष कार्यक्रम आयोजना गरी भेटघाट तथा शुभकामना आदनप्रदान गरेका हुन् । कार्यक्रममा समुहका सदस्यहरु, टोलका स्थानीयहरुको सहभागिता रहेको थियो । काठमाडौं महानगरपालिका वडा नं ३ को १ वडा एक नमुना ब्यवसायी योजना अन्तर्गत तालिम लिई ब्यवसायी सुरु गर्न लागेका दिदिबहिनीहरू समेतको सहभागितामा शनिबार लाजिम्पाटस्थित पानी पोखरी लप्सी गार्डनमा कार्यक्रम भएको थियो ।
कार्यक्रम विहान ११ बजेदेखि बेलुका ५ बजेसम्म भएको थियो । कार्यक्रममा रितिरिवाज, परम्परा, धर्म संस्कृतिको संरक्षण र सम्र्बन्ध गर्नुको साथै महिलाहरूले पनि उद्यम गरेर रोजगारको सिर्जना गरि आर्थिक विकासमा टेवा पुर्याउनुपर्छ भन्ने सन्देशका साथ तिज कार्यक्रम आयोजना गरिएको महिला समुहका सचिब रमिला बस्नेतले बताइन् ।
तिज पर्वले परापूर्वकालदेखिनै नारीहरूको हक अधिकारमा सन्देश दिदै आएको छ । तिजमा हिन्दु महिलाहरुले ब्रत लिने चलन सत्ययुगबाट चलेको पाइन्छ । यसमा नारी र पुरुष दुवै मिलेर ब्रत बस्नुपर्छ भन्ने शास्त्रमा उल्लेख गरिएकोछ । तिजको ब्रत बस्नाले घरमा सुःख, शान्ति, सम्बृद्धि, उन्नति, प्रगति र पति र स्वयंम आफ्नै पनि दिर्घआयूको कामना गर्दै ब्रत बस्ने चलन छ ।
त्यसैगरी, कार्यक्रममा टोलका महिला दिदीबहिनीहरु, काठमाडौं महानगरपालिका वडा नं ३ को वडा सदस्य सिता थापा, गृहिणी महिला संघको अध्यक्ष एवं समाजसेवि अमृता शर्मा र नेपाली फिल्म क्षेत्रकी कलाकार तथा निर्मता एवं होटल व्यवसायी प्रज्ञा जोशी लगाएतको सहभागिता रहेको थियो । महिला समुहले तिज लगायत हरेक नेपाली चाडपर्व विशेष कार्यक्रम वर्षेनी गरिदै आएको छ ।
